Løgreglan hevur havt tað avbera friðarligt hetta seinasta samdøgurið. Tey siga, at tað hevur verið væl av fólki í býnum, men stak friðarligt kortini.

Tað einasta, løgreglan hevur havt at gera, var at taka sær av einum ferðsluóhappi á Marknagilsvegnum úti við Glasir.

Tað hendi seinnapartin í gjár og óhappið hendi tí at ein bilførari ikki víkiskylduna og rendi á ein annan bil.

Serliga tann eini bilurin fekk stóran skaða og eitt fólk fór á Landssjúkrahúsið til kanningar, men at síggja til var ikki talan um nakað álvarsligt.

Bilførarin, sum ikki helt víkiskylduna, fær bót og minst eitt klipp í koyrikortið. Men tá ið so stórur skaði hendur, skal tað ikki koma óvart á hann, at hann missur koyrikortið.