Fyri fýra árum síðani vóru tað 11 valevni á einum lista, sum bjóðaðu seg fram á kommunuvalinum í Nes kommunu.
Nú er tað greitt, at tað á valinum 12. november vera tveir listar at velja ímillum. Á øðrum listanum eru níggju valevni, og á hinum listanum eru sjey valevni ella tilsaman 16 valevni.
Á lista A eru tey, sum vórðu skotin upp á almennum uppstillingarfundi. Millum hesi eru seks av teimum, sum fyri fýra árum síðani vórðu vald í bygdaráðið. Einasti limurin, sum ikki bjóðar seg fram aftur, er Jan Højgaard. Á listanum eru sjey mannfólk og tvey konufólk.
Á lista B eru fýra konufólk og trý mannfólk.
Hesi eru uppstillað til kommunuvalið í Nes kommunu:
Á lista A:
Súni í Hjøllum
Heini Súnason Kristiansen
Petur Jákup Anfinnur (Dakko) Petersen
Høgni Hansen
Elin Ólavsdóttir á Torkilsheyggi
Rannvá í Túni Petersen
Atli Fróði Johansen
Petur Gaardlykke
Henning Erhardsson Joensen
Á lista B:
Daisy Joensen Iversen
Hilbert Kári í Grógv
Bjørk Berg Wiggins
Niels Jacob Nielsen
Harda Viljamsdóttir Højgaard
Marius Hammer
Berlys Toftadal
Meðan talan fyri fýra árum síðani var um bygdaráðsval í Nes kommunu, so verður tað týsdagin 12. november býráðsval. At tað nú verður býráðsval kemst av, at bygdaráðið samtykti, tá ið fólkatalið fór upp um 1500 fólk, at heitið skuldi broytast frá bygdaráði til býráð. Møguleiki var fyri á næsta vali at hækka talið á býráðslimum úr sjey og upp í níggju, men tað hevur býráðið ikki gjørt.
Nes kommunu fevnir um bygdirnar Nes, Toftir og Saltnes. Í kommununi búgva tað nú 1576 fólk.
Á valinum 10. november í 2020 vórðu hesi vald í bygdaráðið í Nes kommunu
