Tríggir dystir í bestu fótbóltsdeildini vóru í dag.
Í Fuglafirði vann B36 3-0 ímóti ÍF. Sigurin ber við sær, at B36 tók seg inn á NSÍ, sum er á fjórða plássinum, ið kann fara at bera atgongumerki til europeiskan fótbólt við sær.
Hóast ÍF bara hevur trý stig og ivaleyst fer at spæla í næstbestu deildini í 2025, so vístu fuglfirðingar góðan hugburð í dag. B36 var frammanfyri 1-0 í steðginum. ÍF hevði onkran góðan møguleika at javna undan steðginum, og beinanvegin eftir steðgin hevði ÍF heilt stóran málmøguleika at javna.
So økti B36 um leiðsluna, og B36 hevði fleiri málmøguleikar.
Í Gundadali vann HB 1-0 ímóti B68. Málskjútti í fyrra hálvleiki var Mohamed Samba, sum tvey tey undanfarnu árini spældi við B68.
Toftamenn eru í vanda fyri at enda undir niðurflytingarstrikuni. Í kvøld vístu teir fínan hugburð í Gundadali. Sum seinni hálvleikur leið, vóru teir meiri á bóltinum enn favorittarnir í HB, og spurningurin var heldur, um tað fór at eydnast hjá B68 at javna, heldur enn hann var, um HB fór at økja um leiðsluna.
Sigurin ber við sær, at tað nú eru trý stig frá HB og fram til toppliðið Víking, sum tó hevur spælt ein dyst færri enn HB. Grannauppgerðin millum Víking og KÍ er útsett til mikudagin 25. september.
Hósdagin fer Víkingur at spæla seinna hálvfinaluna í kappingini um løgmanssteypið ímóti HB. Tað verður í Sarpugerði. Fyrra hálvfinalan, sum var í Gundadali, endaði við 1-0 HB sigri. Samantaldi vinnarin fer at spæla steypafinalu ímóti B36.
Hóskvøldið fer KÍ at spæla í Conference League á Tórsvølli ímóti HJK Helsinki úr Finnlandi.
Seinnapartin vann EB/Streymur 1-0 á heimavøllinum við Margáir ímóti grannunum av Skála. Sigurin var sera týdningarmikil. Hann ber við sær, at EB/Streymur hevur 13 stig, meðan Skála og B68 hava 14 stig.
19. umfar
Fríggjadagin 16. august
07 Vestur – NSÍ 3-0 (1-0)
1-0: Emil Grønn Pedersen 43.
2-0: Emil Grønn Pedersen 58.
3-0: Emil Grønn Pedersen 90.+4.
Sunnudagin 18. august
ÍF – B36 0-3 (0-1)
0-1: Anton Søjberg 8.
0-2: Hannes Agnarsson 50.
0-3: Anton Søjberg 87.
EB/Streymur – Skála 1-0 (1-0)
1-0: Emil Weihe Joensen 19.
HB – B68 1-0 (1-0)
1-0: Mohamed Samba 11.
Víkingur – KÍ útsettur til mikudagin 25. september
Víkingur | 18 | 17 | 0 | 1 | 55 | 8 | 51 |
HB | 19 | 16 | 0 | 3 | 41 | 13 | 48 |
KÍ | 18 | 14 | 0 | 4 | 38 | 17 | 42 |
NSÍ | 19 | 11 | 1 | 7 | 43 | 25 | 34 |
B36 | 19 | 8 | 5 | 6 | 41 | 31 | 29 |
07 Vestur | 19 | 7 | 3 | 9 | 25 | 40 | 24 |
B68 | 19 | 3 | 5 | 11 | 13 | 33 | 14 |
Skála | 19 | 4 | 2 | 13 | 18 | 40 | 14 |
EB/Streymur | 19 | 4 | 1 | 14 | 16 | 39 | 13 |
ÍF | 19 | 0 | 3 | 16 | 15 | 59 | 3 |
20. umfar
Fríggjadagin 23. august
Skála – ÍF: Alex Troleis kl. 18.30
Leygardagin 24. august
07 Vestur – B68: Kári J. á Høvdanum kl. 18.30
Sunnudagin 25. august
KÍ – EB/Streymur: Rúni Olsen kl. 15.00
Mánadagin 26. august
NSÍ – HB: Jóhan Hendrik Ellefsen kl. 18.30
B36 – Víkingur: Rúni Gaardbl kl. 18.30
