Ongi úrslit

Tað er neyðugt við loyvum frá kommununi

Klaksvík: Krøv í samband við bygging av íbúðum og frítíðaríbúðum

klaksvik.fo
14 tímar síðan

Klaksvíkar kommuna fegnast um, at áhugin at útvega fleiri búeindir í kommununi er vaksandi. Tað er gleðiligt at síggja, at bæði íbúðir til langtíðar- og stutttíðarleigu verða innrættaðar – í verandi sethúsum og við frítíðaríbúðum í neystum og hjáhúsum (anneks).

Tó vil kommunan minna á, at slík arbeiði krevja loyvi. Kommunan er byggimyndugleiki og skal geva loyvi til nýtslubroytingar og innrætting av tílíkum búeindum.

Tildømis eru krøv fyri millum annað:

  • Trygd og brunakrøv

  • Innrætting og útlufting

  • Frárenning og vatnveiting

  • El og hitaskipanir

  • Nøktandi parkeringspláss

  • Tað er tí ikki loyvt at fara undir arbeiðið, fyrr enn byggiloyvi er fingið til vega og kann búeindin takast í brúk, tá nýtlsuloyvi er givið.

Kommunan vil eisini heita á øll, sum ætla at gera slíkar broytingar, at hugsa um verandi grannar og nærumhvørvið. Vit skulu øll kunna trívast saman, og tí er grannaskapur og fyrilit ein sjálvsagdur partur av slíkum verkætlanum.

Um tílíkar búeindir verða innrættaðar uttan neyðug loyvi ella ikki lúka krøvini, kann tað hava álvarsligar avleiðingar – bæði fyri tryggleikan hjá búfólki og fyri ábyrgdina hjá eigaranum.

Klaksvíkar kommuna vegleiðir fegin, um ætlanir eru um at byggja ella broyta verandi bygningar til bústaðarnýtslu.

 

Mest lisið hesa vikuna

80 ára gamal og má búgva í bilinum

3. mai kl. 21:00

Sissal fingið forboð til Eurovision-sangkappingina

2. mai kl. 17:08

Nýmótans teknikkur fekk bil at koyra sikksakk - bilførarin meldaður

3. mai kl. 09:19

Astrið Foldarskarð er nýútbúgvin fangavørður

6. mai kl. 22:25

Tað er púra skeivt at seta ungdómin upp ímóti Suðuroyartunnilin

6. mai kl. 14:00

Suðuroyartunnilin: Hetta er ein leikur sum fer fram

6. mai kl. 13:00