Í dag og í kvøld var fyrsta umfar í kvinnudeildini í fótbólti avgreitt. Upprunaliga var tað ásett at vera 11. og 12. mars, men tá órógvaði kavin. Í kvøld vóru fín líkindi at spæla.
Merkisvert var tað, at liðið hjá Suðringum skoraði ársins fyrsta mál og vann ársins fyrsta stig á útivølli ímóti EBS/Skála. Úrslitið var 1-1, og bæði málini vórðu skorað eftir lítlari løtu, tá ið stórur hálvur tími var farin. Sarita Petersen legði heimaliðið á odda, og Suðringar javnaðu við brotssparki, sum liðformaðurin Nancy Einarsson setti í málið.
KÍ fór úr Sørvági við 2-0 sigri, og tær úr Klaksvík eru greitt oddalið við fullari úrtøku – 15 stig fyri fimm dystir. Bæði málini vórðu skorað fyrstu 10 minuttirnar. Miðvallarin Eyðvør Klakstein setti hol á. Hon hevur nú skorað trý mál í ár. Rebekka Benbakoura økti til 2-0. Hetta var mál nummar fimm hjá henni.
Í Gundadali vann B36 grannauppgerðina ímóti HB 1-0. Tað sá út til at fara at enda málleys, men í tíðini, sum dómarin legði aftrat, skoraði Elsa Splidt Jacobsen við beinleiðis frísparki. Hetta var triðja málið í ár hjá Elsu Splidt Jacobsen.
Grannauppgerðina í Gøtu millum Víking og NSÍ vunnu gestirnir 5-2. Heidi Sevdal skoraði tvey mal fyri NSÍ, og hon er nú ovast á máltindinum við 10 málum. Mirjam Huneck skoraði fyri fjórðu ferð í ár, Lena Olsen var NSÍ málskjútti fyri fyrstu ferð í ár, og eitt av NSÍ málunum var sjálvmál.
Hjá Víkingi skoraðu Hjørdis Rasmusdóttir, sum nú hevur skorað fýra mál, og 17 ára gamla Jonnhild á Sondum var fyri fyrstu ferð í ár málskjútti á besta liðnum hjá Víkingi.
EBS/Skála – TB/FCS/Royn 1-1 (1-1)
1-0: Sarita Petersen 33.
1-1: Nancy Einarsson br 36.
Víkingur – NSÍ 2-5 (1-3)
0-1: Mirjam Huneck 9.
0-2: Heidi Sevdal 13.
1-2: Hjørdis Rasmusdóttir 37.
1-3: Jonnhild á Sondum 45.+4.
2-3: sjálvmál 63.
2-4: Lena Olsen 67.
2-5: Heidi Sevdal 73.
07 Vestur – KÍ 0-2 (0-2)
0-1: Eyðvør Klakstein 3.
0-2: Rebekka Benbakoura 10.
B36 – HB 1-0 (0-0)
1-0: Livyan Silva 91.+
KÍ | 5 | 5 | 0 | 0 | 24 | 2 | 15 |
NSÍ | 5 | 3 | 1 | 1 | 21 | 8 | 10 |
B36 | 5 | 2 | 2 | 1 | 8 | 5 | 8 |
HB | 4 | 2 | 1 | 1 | 7 | 2 | 7 |
07 Vestur | 5 | 2 | 1 | 2 | 9 | 8 | 7 |
Víkingur | 4 | 1 | 1 | 2 | 8 | 13 | 4 |
EBS/Skála | 5 | 0 | 1 | 4 | 4 | 14 | 1 |
TB/FSV/Royn | 5 | 0 | 1 | 4 | 1 | 31 | 1 |
6. umfar
Leygardagin 13. mai
Víkingur – 07 Vestur
B36 – TB/FCS/Royn
Sunnudagin 14. mai
NSÍ – EBS/Skála
HB – KÍ
Fjórðingsfinalur í steypakappingini
Sunnudagin 7. mai
Víkingur – TB/FCS/Royn
EBS/Skála – B36
HB – KÍ
Mánadagin 8. mai
07 Vestur – NSÍ
