Strandferðslan hevur nú fingið at vita, at ein følsk Facebook síða er stovnað í navninum á Strandferðsluni.
Síðan er á íslendskum og har verður lokkað við ókeypis ferðakortum frá Strandferðsluni. Ferðakortini eru ókeypis fyri at hátíðarhalda meiri enn 100 dagin sum almennur stovnur - men í dag er seinasta freist at fáa ókeypis ferðakort.
Fyri at fáa tað, skal mann trýsta á eitt leinki.
Soleiðis sær tann falska strandferðslu-síðan út
Men Strandferðslan sigur, at hetta er ein følsk síða, sum einki hevur við Strandferðsluna at gera - og tað ber altso ikki til at fáa ókeypis ferðakort frá Strandferðsluni.
Samstundis heitir Strandferðslan á fólk um ikki at trýsta á leinkjuna.
Tey siga eisini, at tey hava givið Facebook boð um síðuna og tey vóna, at hon verður strikað sum skjótast.
