Stella Maris Vøggustova: Skal næstan mannast heilt av nýggjum

Tað var so nógvur mistrivnaður og ónøgd við arbeiðsumstøðurnar á Stella Maris vøggustovuni hjá Tórshavnar Kommunu, at 11 starvsfólk valdu at siga seg úr starvi. Fyrr í hesum mánaðinum var ein fundur hildin millum foreldur og nøkur starvsfólk fyri at umrøða støðuna og sama dag segði leiðarin á stovninum, sum ongan varaleiðara hevði, seg úr starvi. Foreldrini eru sera misnøgd við støðuna.