Eftir at hava sitið í fongsli síðan 2014, er Saadi Gaddafi leyslatin í fongsli.
Tað siga myndugleikar í Libya sambært The Guardian.
Saadi Gaddafi er sonur fyrrverandi leiðaran í Libya, Muammar Gaddafi, og hann var fongslaður, eftir at hann í 2014 flýggjaði úr Libya til Niger, har hann varð fangaður og útflýggjaður til Libya.
48 ára gamli Saadi Gaddafi var kendur fyri at liva í luksus, og tá hann var ungur var hann yrkisleikari í fótbólti. Millum annað spældi hann eitt stutt skifti í Italia fyri Perugia, har hann náddi at spæla ein dyst móti Juventus, áðrenn hann var sleptur, tí ein blóðroynd vísti, at hann hevði eitt bannað evni í kroppinum.
Saadi Gaddafi var í Libya ákærdur fyri morð, svik og hóttanir, men libyska løgmálaráðið gjørdi í 2018 greitt, at hann var ikki sekur í ákærunum.
Sambært Reuters fór Gaddafi umborð á eitt flogfar til Istanbul, so skjótt hann var leyslatin.
Muammar Gaddafi hevði sjey synir, men tríggir teirra lótu lív í stríðnum um Libya.
