Cristiano Ronaldo Jr. hevur skift Real Madrid út við Al-Nassr.
Tað boðar álítandi journalisturin Fabrizio Romano frá á sosiala miðlinum X, áður kent sum Twitter.
Avtalan er longu undirskrivað, og hann byrjar at venja við U13-liðnum hjá Al-Nassr sum skjótast.
Tað er longu kunngjørt, at hann fer at spæla í troyggju nummar sjey, sum er sama tal pápi hansara hevur leikt við seinastu 20 árini.
Sambært Romano hevur Cristiano Ronaldo áður sagt, at sonur hansara í framtíðini ynskir at spæla á sama liði sum pápin.
Cristiano Ronaldo Jr. fór eisini við pápa sínum til Manchester United, men tá Cristiano Ronaldo ímóti endanum av 2022 fór til Saudi Arabia, fylgdi sonurin í fyrsta umfari ikki við.
Í staðin bleiv tað til eitt stutt uppihald í akademinum hjá Real Madrid.
Cristiano Ronaldo Jr. kom til heimin í amerikanska býnum San Diego í 2021, og hevur fingið eyknavnið 'Cristianinho'.
