Søkjast kann aftur úr Róðrargrunni Føroya

Róðrargrunnur Føroya bjóðar aftur nú kappróðrarfeløgum at søkja um stuðul til at smíða kappróðrarbátar

Tíðindaskriv
17. apríl 2021 kl. 09:37

Í 2020 fekk grunnurin játtaðar 100.000 krónur á fíggjarlógini at útluta sum stuðul og hevði 30.000 krónur aftrat frá undanfarna ári at játta feløgum.

Fimm umsóknir vóru til tær tilsamans 130.000 krónur, og allar vórðu gingnar á møti. Eitt felag fekk játtað 30.000 krónur, og fýra fingu játtað 25.000 krónur hvørt.

Á fíggjarlógini fyri 2021 hevur Løgtingið aftur játtað 100.000 krónur til kappróðrarbátasmíð, so tilsamans eru í ár 100.000 krónur at søkja um.

Freistin at søkja um stuðul úr grunninum er 25. apríl 2021. Treytin fyri at fáa stuðul er, at kjølurin er strektur 25. apríl 2022.

Umsóknir skulu vera í mesta lagi ein A4-síða til longdar. Í umsóknini skulu vera kostnaðarætlan, tíðarætlan og upplýsing um, hvør skal smíða bátin.

Umsóknirnar verða viðgjørdar í mai.

Seks limir stjórna Róðrargrunni Føroya:

Jan Herman Hansen, formaður, ÍSF

Sigga Vang, næstforkvinna, Vinnuháskúlin

Flóvin Eidesgaard, kassameistari, Føroya landsstýri

Jacob Eli Olsen, skrivari, Føroya Lærarafelag

Anna Rein, Kvinnufelagið

Uni Arge, Føroysk Miðlafólk

Róðrargrunnur Føroya

rodrargrunnur@gmail.com