Um vikuskifti verður Jóansøkan hildin í Vági og nógv fara at leita sær suður ein túr.
Á Strandfaraskipum Landsins er virksemi og raksturin so gott sum komin upp á vanliga støðið aftur og tí verður heldur eingin koronaavmarking á hvussu nógv sleppa umborð á Smyril.
Tó verður heitt á ferðandi um at fylgja almennu tilmælunum og halda ein meturs frástøðu og um at halda seg saman í egnum bólkum undir ferðing. Loyvda ferðafólka talið er um 900 fólk og skipið er stórt, so tað ber væl til at sita við neyðugu frástøðuni, verður sagt á skrivstovuni hjá SSL.
Eisini verður mint á, at kappróðrarbátarnir hava frammíhjárætt leygardagin.
Smyril siglur soleiðis í samband við Jóansøkuna:
Fríggjadag: Tvø-Tór: 07:00, Tór-Tvø: 13:00, Tvø-Tór: 15:30, Tór-Tvø: 18:30
Leygardag: Tvø-Tór: 07:00, Tór-Vágur: 10:00, Vágur-Tór: 21:00, Tór-Tvø: 23:30
Sunnudag: Tvø-Tór: 09:30, Tór-Tvø: 12:00, Tvø-Tór: 17:30, Tór-Tvø: 20:00
Skráin fyri Jóansøku vikuna sæst her
.png){kind=logo}
