Møguleikin er ikki burtur hjá Slovenia at vinna seg í hálvfinaluna í EM kappingini, men hann er lítil. Um Svøríki um eina løtu fer at vinna ímóti Portugal, og um Danmark í kvøld fer at vinna ímóti Norra, so verður tað greitt, at Danmark hevur tryggjað sær pláss í hálvfinaluni, og so verður Svøríki stórfavorittur at vinna seinna hálvfinaluplássið.
Slovenia vann í dag 37 – 34 ímóti Niðurlondum eftir hálvleiksstøðuna 37 – 34.
Føroyar taptu í Berlin 32 – 29 ímóti Slovnia, sum í dag vann við trimum málum ímóti Niðurlondum. Meðan føroyingar ímóti Slovenia ikki kendu seg hava marginalirnar á sínari síðu, so var Slovenia serliga í 1. hálvleiki greitt omaná ímóti Niðurlondum.
Úrslitið í dag ber við sær, at troyttu niðurlendingarnir fara at spæla um 11. plássið, og tað ber við sær, at møguleikin hjá teimum at sleppa upp í part í OL í summar er ógvuliga lítil.
Sigurin í dag ber við sær, at Slovenia er væl við í kappingini um OL pláss í París í summar.
