Slovenia er á veg til Hamburg

Hóskvøldið vann Slovenia 32-29 ímóti Føroyum, og í kvøld vann Slovenia 32-25 ímóti Póllandi eftir hálvleiksstøðuna 20-14.

Slovenski sigurin í kvøld ber við sær, at tað seinni í kvøld verður greitt, at Slovenia fer at halda fram í miðumfarinum. Soleiðis verður tað, um Norra fer at vinna ímóti Føroyum.

Harvið fer tað mánakvøldið at snúgva seg um, um tað verður Norra ella Slovenia, sum fer at vinna bólkin, og um Pólland ella Føroyar fara at enda á triðja plássi.

Tað bendir altso heilt nógv á, at Norra og Slovenia fara at halda fram. Føroyski møguleikin er treytaður av, at tað í kvøld eydnast at vinna á Norra.