Skjótasti málið í EM-søguni

Bara 23 sekund vóru leikt av dystinum millum Albania og Italia í kvøld, tá ið Nedim Bajrami fekk fatur á einum bólti, sum var ætlaður sum ein afturlegging til italska málverjan Donnarumma, og hann var eirindaleysur og legði albanar á odda 1-0. Ongantíð áður er eitt mál skotið so tíðliga í dystinum í einum EM-endaspæli.

Gleðin var tó stokkut hjá albanum, tí áðrenn fyrri hálvleikur var hálvrunnin, høvdu italsku europameistararnir lagt seg á odda 2-1, og tað er framvegis støðan miðskeiðis í seinna hálvleiki.