Fyrr í dag rendi eitt skip, skrásett í Panama, seg fast í Suesveitina, men steðgurin á landi gjørdist ikki so langur hesa ferð.

Tí nú boða myndugleikarnir fyri Suesveitina (The Suez Canal Authority, red.) frá, at bingjuskipið er leyst aftur.

Tað skrivar myndugleikarnar fyri veitina í einum tíðindaskrivi, sambært Reuters.

Coral Crystal, ið er skrásett á Panama, kom sær í trupulleikar á veg suðureftir í veitini, men skipini, sum sigldu aftanfyri Coral Crystal kundu halda leiðina fram gjøgnum eina minni veit við síðuna av. Annars var ein lítil steðgur í, men nú skipaferðslan vanlig aftur.

Hesa ferð spældi tað væl av, men í mars í ár var ein ordans proppur í Suesveitini, tá Ever Given sigldi á land og steðgaði allari skipaferðslu í veitini í seks dagar.