Leygardagin fekk Sjúklingahotellið Tórshavn í Keypmannahavn tvær christianiasúkklur, sum eru ætlaðar til fólk, ið búgva á sjúklingahotellinum.
- Vit eru ógvuliga takksom fyri hesa gávuna. Tað hevur verið saknur í hesum møguleikanum, sigur Lene Hallig, leiðari á Sjúklingahotellinum.
Hugskotið eigur Frida Solbjerg Augustinussen, sum er umboð í foreldrabólkinum hjá Krabbameinsfelagnum og partur av Team Rynkeby Føroyar liðnum í ár.
Sonur teirra, Jónhard, hevur verið í krabbameinsviðgerð.
Síðani 2018, tá familjan flutti heim aftur til Føroya, hevur tað at skaffa eina súkklu til sjúklingahotellið verið eitt ynski og hjartamál fyri Fridu.
Í samstarvi við Team Rynkeby Føroyar og Ítróttarfelagið Treysti er hon komin á mál, tí leygardagin fekk sjúklingahotellið handað tvær christianiasúkklur.
.png){kind=logo}
