Robbie Coltane fekk sítt altjóða gjøgnumbrot sum fitti og hjálpsami húsavørðurin í gandaskúlanum Hogwarts úr filmsrøðini um Harry Potter. Coltrane hevði leiklutin sum Hagrid, ein hálvur risi og hálvt menniskja, í øllum teimum átta filmunum, sum komu út í árunum 2001 til 2011.
Harry Potter fjepparar kring allan heim, syrgja um deyðsboðini. Teirra millum er rithøvundurin handan Harry Potter, J. K. Rowling. Á síni konto á Twitter skrivar hon soleiðis:
- Eg fari als ikki at kenna nakran annan sum Robbie. Hann var evnaríkur, ein einari og eg var heppin at læra hann at kenna.
Coltane spældi seg inn í hjørtuni hjá fólki í leiklutinum sum Hagrid. Hann hevur sjálvur greitt frá, at hetta var ein leiklutur, sum hann eftirfylgjandi hevði ringt at sleppa av við. Aðrir fagnaðir leiklutir, sum hann hevur spælt, eru Valentine Dmitrovich Zukovsky í James Bond filmunum GoldenEye (1995) og The World Is Not Enough (1999).
Coltrane var virkin sum sjónleikari frá 1978 til í ár.
