Sjampanjan millum fjalla

Smali vegurin niðan til Darjeeling var tætt settur við krøppum sneiðingum. Næsti flogvøllurin, Bagdogra, lá niðri á láglendinum, hundrað kilometrar frá temekkanum. Líðandi bar aftur niðaneftir í einum irrgrønum, támutum lendi. Uttan at øna orðið koyrdi bilførarin inn til vegjaðaran og steðgaði við eina búð, sum stóð at detta niður. Hann smeyg sær út úr bilinum, rætti tí, sum stóð í búðini, ein rukkutan peningaseðil og var standandi í jaðaranum og sutlaði søtt, kryddaða mjólkarte