Fyrrapartin sunnudagin varð ringt til løgregluna at melda, at innbrot hevði verið í einum handli í Havn.

Stutt eftir varð ein maður tikin og skuldsettur fyri innbrotið.

Men av tí at talan er um ein mann, sum hava ymisk onnur lógarbrot upp á samvitskuna, varð hann førdur fyri rættin í gjár við kravi um hann skuldi varðhaldsfongslast.

Og tað tók dómarin í Føroya Rætti undir við, og sostatt varð maðurin varðhaldsfongslaður í tvær vikur. Hesar báðar vikurnar skal løgreglan so brúka til at lýsa málið so at maðurin aftur kann verða førdur fyri rættin til endaliga dómsviðgerð.