Nýggjasta navnið á skránni til ársins G! Festival er Teitur. Hóast Teitur fleiri ferðir áður hevur framført á G!, so verður hetta ein serlig framførsla. Hann fer nevniliga at framføra øll løgini av sínari debut útgávu, Poetry & Aeroplanes, sum hann gav út í 2003.
Hesum boðar G! Festivalurin frá í tíðindaskrivi:
Fyri tjúgu árum síðani avrikaði ein ungur havnarmaður nakað, sum í föroyskum tónleikaligum höpi svarar til at lenda á mánanum. Tað var tá ið Teitur fekk plátusáttmála í lag við stóra plátufelagið Universal í Amerika.
Plátan, sum spurdist burtur úr hesum var Poetry & Aeroplanes. Eitt meistaraverk alt sum tað er. Eitt valaverk, sum enn í dag stendur sum ein sannur varði í sangara/lagsmíð rúgvuni.
Og á G! 2024 sleppa vit at uppliva öll lögini á plátuni úr einum enda í annan.
Teitur kemur við bólki sínum, og her verður ikki spart uppá nakað; strúkarar verða eisini við.
Komið og upplivið Teit framföra Poetry & Aeroplanes á G! 2024
