Nógv umrødda býarsavnið í Tórshavnar kommunu skal finna sær ein nýggjan leiðara. Hølistrupulleikar og væntandi politiskur áhugi hevur nú við sær, at leiðarin seinastu trý árini, Margretha Nónklett, hevur sagt seg úr starvi.
Í lesarabrævi í dag, skrivar Gunnvør Balle, býráðslimur, at Margretha Nónklett hevur sagt upp.
Tann 13. januar segði Margretha Nónklett soleiðis við Dimmalætting:
- Eg havi verið leiðari síðani 2018, og í mun til at finna eina loysn upp á hølistrupulleikar, so er einki hent. Útlitini fyri, at nakað hendir, eru heldur ikki góð, og tí orki eg ikki at blíva við.