Fyrrapartin boðaði Eyðun Klakstein U21 landsliðsvenjari frá, hvørjum 20 spælarum, hann hevur sent boð eftir at vera við í EM undankappingardystinum, sum verður 21. mars.
Talan er um heilt stóra avbjóðing, tí Føroyar fara at spæla ímóti Portugal í fyrsta dystinum eftir vetrarsteðgin.
Tríggir av teimum, sum hava verið drúgvir, eru ikki við í hópinum hesa ferð. Talan er um miðverjarnar Áka Johannesen B68 og Samuel Chukwudi HB, sum eru við at koma seg, eftir at teir leingi hava verið skaddir, og so er tað Jørgen Nielsen úr Víkingi, sum er skaddur, og sum er leikbannaður ímóti Portugal.
Fýra spælarar umboða útlendsk feløg, og teir flestu av hinum spæla í bestu føroysku deildini.
Nýggi spælarin er HB miðvallarin Ejvind Restorff Mouritsen. Hann var fyri stórari viku síðani við til at vinna stórsteypadystin ímóti HB, og í gjøarkvøldið var hann millum teir fyrstu ellivu og ein av málskjúttunum, tá ið HB á heimavølli vann 3-2 ímóti NSÍ í fyrsta umfari í landskappingini.
Málverjar
Ari í Haraldstovu Petersen KÍ
Jóannes Davidsen EB/Streymur
Verja
Børge Petersen KÍ
Elias Rusborg HB
Signar á Brúnni Víkingur
Bergur Poulsen EB/Streymur
Ási P. Dam HB
Martin Agnarsson Viborg FF Danmark
Jákup Norðoy Vilhelmsen KÍ
Miðvøllur
Noah Hans Mneney Bryne Norra
Gullbrandur Øregaard Sandnes Ulf Norra
Aron Jarnskor Ellingsgaard Víkingur
Heini Fossdalsá Sørensen Thisted Danmark
Jónas Warner B68
Ejvind Restorff Mouritsen HB
Álop og síður
Jens Erik Bruhn EB/Streymur
Áki D. Samuelsen HB
Olaf Bárðarson Víkingur
Gutti Dahl-Olsen B36
Poul Kallsberg Víkingur
