Russiski rubilin fellur á sítt lægsta støði í 16 mánaðir
Sambært Ritzau hevur russiska gjaldoyra mist umleið 25 prosent av sínum virði í ár
Ragnar Sjúrðarson
14. august 2023 kl. 13:21
Russiski rubilin er í dag fallin á sítt lægsta støði í 16 mánaðir.
Í løtuni skulu tað 100,35 rublar til fyri at keypa ein amerikanskan dollara, skrivar Financial Times sambært Ritzau.
Fallið á russiska gjaldoyranum hendur samstundis, sum tær russisku hernaðarligu útreiðslurnar til kríggið í Ukraina hækka. Eisini líður landið undir einum samanbroti í útflutingsinntøkum orsaka av krígnum. Revsitiltøkini hjá vesturheiminum móti Russlandi elva eisini til eitt dalandi gjaldoyravirði.
Sambært Ritzau hevur russiska gjaldoyra mist umleið 25 prosent av sínum virði í ár.
