Real Madrid hevur vunnið HM
Ikki óvæntað vann europeiska liðið heiðurin sum heimsmeistarar fyri vanlig lið
Ragnar Sjúrðarson
12. februar 2023 kl. 11:30
Tá Real Madrid vann Champions Leage finaluna í fjør, tryggjaði liðið sær samstundis atgongd til heimsmeistaraheitið fyri vanlig lið.
Í finaluni í móti AL-Hilal frá Saudi-Arabia vann Real Madrid 5-3 í einum undirhaldandi dysti.
Spaniólarnir byrjaðu við sterkastu manning og komu framum 2-0. AL-Hilal minkaði um munin til 2-1 áðrenn hálvleik.
Í seinna hálvleiki kom Real Madrid út sum eitt ódnartak og skoraði trý mál uppá eitt korter. AL-Hilal fall kortini ikki í fátt og skoraði tvey mál afturat í dystinum.
Hetta er fimtu ferð, at Real Madrid vinnur heiðurin uppá bert tíggju ár.
Dagsin maður varð Vinicius Junior við tveimum málum og einum uppleggi.
