Poul Schlüter er deyður

Fyrrverandi danski forsætisráðharrin Poul Schlüter er deyður. Tað boðar familja hansara frá gjøgnum heimasíðuna hjá teimum Konservativu

Poul Schlüter var forsætisráðharri frá 1982 til 1993, og er tann seinasti politikkarin hjá teimum Konservativu, ið hevur verið forsætisráðharri.

– Tað er við sorgblídni, at eg frá konuni hjá Poul Schlüter og familju hansara beri hesi boðini víðari, at fyrrverandi forsætisráðharrin Poul Schlüter er deyður, sigur formaðurin hjá teimum Konservativu, Søren Pape Poulsen, í einum boðum, sum eru endurgivin í B.T.

Sambært heimasíðuni hjá flokkinum, vóru tey nærmastu hjá honum, tá hann andaðist í gjáramorgun.