Pávin avlýsir sítt virksemi um vikuskiftið

Frans pávi luttekur ikki í hátíðarhaldinum í sambandi við, at hetta vikuskiftið verður hátíðarhildið ‘heilaga árið’, sum er jubileumsárið hjá katólsku kirkjuni.

Tað boðar Vatikanið frá, skrivar tíðindastovan Reuters.

Orsøkin er heilsan hjá 88 ára gamla pávanum, sum er illa fyri. Hann hevur verið innlagdur við bronkitis síðani fríggjadagin, og í gjár varð boðað frá, at hann var í "kompleksari kliniskari støðu". Sunnudagin varð sagt, at heilsustøðan var støðug.

Frans pávi hevur verið leiðari í katólsku kirkjuni síðani 2013, tá undanmaður hansara, Benedikt pávi, legði frá sær, og gjørdist fyrsti pávi síðani 1415.