Páll Holm Johannesen er nýggjur stjóri í Nótaskipum

Nevndin í Felagnum Nótaskip hevur sett Páll Holm Johannesen í starv sum stjóra í felagnum. Hann tekur við eftir Jógvan Jespersen, sum er fyrsti stjóri felagsins, og sum hevur røkt starvið síðan 1. mai í 2008.

Páll Holm Johannesen er 44 ára gamal. Hann er útbúgvin innan samfelagsfrøði, og tað seinasta árið hevur hann starvast sum ráðgevari og greinari í Vinnuhúsinum. Áðrenn tað starvaðist hann í 10 ár á Løgmansskrivstovuni sum kunningarráðgevi og uttanríkispolitiskur ráðgevi.

26 umsóknir vóru til starvið. Páll Holm Johannesen tekur við starvinum 1. november. Nótaskip hava skrivstovu í Vinnuhúsinum, skrivar Felagið Nótaskip