Fólkini handan filmin The Shape of Water eru meldaða og lagt undir at hava ritstolið úr einum amerikonskum sjónleiki frá 1969.
Filmurin, ið er tilnevndur sum besti filmur og 12 aðrar virðislønir, lýsir kærleikan millum eina málleysa kvinnu og sjóvaródjór í eini kanningarstovu í 1960'inum.
Men rættarmálið móti meksikanska filmsrithøvundanum, Guillermo del Toro, framleiðslustjóranum, Daniel Kraus og filmsfelaganum, Fox Searchlight, vil vera við at filmurin stjelur bæði søgugongd, tema og persónar úr sjónleikinum Let Me Hear You Whisper.
Rættarmálið varð mikudagin lati einum dómstóli í Los Angeles. David Zindel hevur latið rættarmálið inn. Hann er sonur Paul Zindel, ið skrivaði sjónleikin Let Me Hear You Whisper.
Zindel hevur eisini gjørt ein lista, ið telur heili 60 líkleikar millum film og sjónleik. Har stendur millum annað søgugongdin um ta einsamøllu vaskikonuna, ið fellur fyri einum sjóvaródjórið á eini kanningarstovu undir kalda krígnum.
Í uppruna sjónleikinum er talan um eina delfin, meðan nýggi filmurin snýr seg um eitt sjóvaródjór.
Hóast mongu líkleikarnir hevur filmurin ikki spurt seg fyri um rættindini hjá sjónleikinum. Paul Zindel verður heldur ongantíð nevndur.
Fox Searchlight heldur tó at David Zindel ikki hevur nakað at koma eftir við rættarmálið sínum.
Kelda: dr.dk
