Enn eitt gott politiskt mál, ið landsstýrismaðurin, Eirikur í Jákupsstovu hevur borið í Tingið. Hetta er sanniliga eitt gott mál halda vit í Tjóðveldi.

Trivnaðarnevndin tekur einmælt undir við uppskotinum hjá landsstýrismanninum, og er í dag eisini einmæly samtykt av Løgtinginum.

Tað merkir, at frá 1 januar hækkar hámarkið fyri hvussu nógv tú kanst fáa endurgoldið av mistari arbeiðsinntøku, um tú ansar sjúkum.

Tað eru í dag 90 fólk, ið hvønn mánaða fáa endurgoldið úr skipanini, tó eru øll ikki fevnd av verandi hámarki, ið er 27.779 kr.

Samgongan hevur kortsíðani hækkað hámarkið úr Barsilsskipanini.

Men tað eru foreldur, sum mugu ansa sjúkum børnum, ella børn ið ansa sjúkum foreldrum.
Tí er tað ein politisk raðfesting at vit eisini hækka hesa upphæddina upp í 31.000 frá 1 januar 2026

Upphæddin verður síðani javnað frá 1 januar 2027.

Tað kann verða ein fíggjarligur smeitur hjá teimum, ið styttri og longri tíð mugu fara av arbeiðsmarknaðinum fyri at taka sær av sínum kæru.
Tí er hetta lógaruppskotið borið í Løgtingið, sum ein raðfesting.