Føroyar eiga at halda áfram at kanna og bora eftir olju, tá hetta kann gerast ein langtíðar inntøka, sum kann vera grundarlag fyri fíggjarligum sjálvbjargni og menning.
Á kortinum niðanfyri síggjast tey bretsku oljufeltini. Bretsk oljufelt, sum liggja beint sunnanfyri føroyska markið.
Hetta kann geva týðiligar ábendingar um, at føroyska undirgrundin kann hava líknandi oljutilfeingi.
Oljuvinna hevði tryggjað nýggjar inntøkur, skapt arbeiðspláss og ment útbúgvingarstøðið, serliga innan tøkni og verkfrøði. Samstundis er eftirspurningurin eftir olju enn stórur, hóast arbeitt verður við grøna orkuskiftinum.
Føroyar eiga tí at halda áfram við oljuleiting, fyri at tryggja búskaparliga menning, eitt sterkari orkupolitiskt grundarlag, og fíggjarligum sjálvbjargni, sum kann seta meira ferð á fullveldistilgongdina.
Við framburðs- og tjóðskaparkvøðu
Øssur Patursson
