Eftir langan skaðasteðg eru Odmar Færø úr KÍ og Jóannes Bjartalíð aftur á landsliðnum. Hallur Hansson úr KÍ, sum var liðformaður, inntil hann var illa skaddur, er ikki á listanum. Hann hevur annars verið á KÍ liðnum seinastu ferðirnar.
Jóannes Bjartalíð er tøkur aftur, og tað er møguleiki fyri, at Brandur H. Olsen eisini verður at síggja.
-Vit bíða við at taka út síðsta miðvallaran. Tað kemst av, at Brandur H. Olsen aftur er farin at venja í Fredrikstad. Vit bíða eftir at vita, hvussu tað fer at ganga hjá honum í hesi vikuni, sigur Håkan Ericson.
Føroyar eiga heimavøll bæði ímóti Armenia og Lettlandi ávikavíst 10. oktober og 13. oktober.
-Vit gleða okkum, og tað kemur væl við, at vit ikki skulu ferðast millum dystirnar. Tað eigur at bera við sær, at fyritreytirnar verða betri, enn tær eru, tá ið vit eftir dystardagin skulu brúka ein dag at ferðast, sigur Håkan Ericson.
Landsliðsvenjarin er fegin um, at Odmar Færø er tøkur aftur:
-Hann er neyvan tøkur at spæla báðar dystirnar, men tað hevur stóran týdning, at hann er tøkur aftur, tí hann telist millum leiðararnar bæði á vøllinum og uttanfyri vøllin.
At Hallur Hansson ikki er á listanum kemst av, at hann ikki er tøkur at spæla:
-Eg havi tosað nógv við Hall, og vit fegnast um, at hann hevur spælt so nógv ið KÍ, sum hann hevur gjørt seinastu vikurnar. Tað vísir seg at bera pínu við sær, og í gjár var neyðugt hjá honum at taka pínutablettir fyri at spæla í Sørvági. Hallur er búgvin og ásannar, at hóast hann so fegin vil vera á landsliðnum, so heldur hann ikki, at hann í løtuni er førur fyri at spæla, sigur Håkan Ericson.
Mattias H. Lamhauge og Teitur Matras Gestsson eru aftur á listanum. Teir hava verið skaddir, og Bárður á Reynatrøð, sum vardi malið seinastu ferðirnar, er triði málverjin á listanum.
Málverjar
Teitur Matras Gestsson HB
Bárður á Reynatrøð Víkingur
Mattias Heðinsson Lamhauge FC Fredericia Danmark
Verja
Viljormur Davidsen HB
Jóannes Kalsø Davidsen KÍ
Jann Julin Benjaminsen B36
Arnbjørn Svensson Víkingur
Samuel Johansen Chukwudi HB
Andrias Edmundsson Wisła Płock Pólland
Gunnar Vatnhamar Víkingur Reykjavík
Hørður H. Askham Roskilde Danmark
Odmar Færø KÍ
Miðvallarar
Hanus Sørensen HB
René Shaki Joensen KÍ
Sølvi Vatnhamar Víkingur
Hannes Agnarsson B36
Meinhard Egilsson Olsen Mjøndalen Norra
Adrian Justinussen Hillerød Fodbold Danmark
Jóannes Bjartalíð Fredrikstad Norra
Álopsspælarar
Petur Knudsen NSÍ
Klæmint Andrasson Olsen NSÍ
Jóan Símun Edmundsson Shkupi Norðurmakedonia
