Elektrodurnar vístu góð úrslit og eingin tekin á versnan eftir royndir í 1000 tímar á DTU. Tvørturímóti, var mátturin hjá elektrodunum betri.

Henrik Lund Frandsen, professari, metir, at til ber at spara 25 % av streyminum, sum verður nýttur at framleiða somu mongd av brennievni, og at spara upp til áleið 20 % av brint-kostnaðinum, verða keramiskar elektrolysukyknur nýttar í PtX-tøkni.

Royndirnar at meta um støðufestið av Ni-GDC-elektrodunum vórðu gjørdar av postdoc Morten Phan Klitkou o.fl. á DTU við at royna ymsar streymstyrkir í 1000 tímar.

Úrslitini vístu, at mótstøðan í brennielektronduni versnaði bert eitt vet undir rættiliga høgum streymdrátti. Royndirnar bendu á, at megin-niðurbrótingarmekanisman í vanligum keramiskum elektrolysukyknum kundi sleppast undan, eftirsum nikklið í kyknunum ikki fluttist undir høgum streymdrátti. Hetta er ein betring í mun til kyknutøknina, ið verður brúkt í dag.

Henrik Lund Frandsen metir tó, at eini 10 ár ganga, áðrenn Ni-GDC-kyknurnar eru heilt uppskaleraðar og gagnnýttar í altjóða PtX-útbúnaði.