Í samband við kommunuvalið, sum verður í november, hevur Dimmalætting sett øllum borgarstjórum í landinum nakrar spurningar.
Her svarar Kristin Michelsen, borgarstjóri í Tvøroyrar kommunu:
Hvat avrik í hesum valskeiðnum er tú fegnast um?
- At uppskotið frá borgarstjóranum, um at allir kommunustýrislimirnir ganga saman í ein og sama valbólk, varð einmælt samtykt. Og at býráðið, innan ikki ov langa tíð, kann geva P/F Varðanum Pelagic endaligt byggiloyvi til lýsi- og mjølfabrikk.
Hvat mál, sum ikki eydnaðist at loysa í hesum valskeiðnum, iðrar tú teg mest um?
- Til hvørt val verða gylt lyftir givin, ið sjáldan øll verða hildin – kann nevna nýggjan skúla.
Hvat er størsta málið, sum er fyri framman, í komandi valskeiði?
- Tey eru fleiri, millum annað nýggjur skúli og kommunusamanlegging.
Stillar tú upp aftur á komandi kommunuvali?
- Biden, Trump, Putin og Heðin Mortensen eru komnir rættiliga til aldurs, og teir bjóða seg framm – nei jeg havi onga avgerð tikið enn.
