UEFA gevur við nýggja heimildarfilminum, “Man in the Middle”, okkum atgongd til alt, ið hendir undir einum dysti fyri ein dómara, har hann til tíðir kennir seg sum einsamallasta fólki í heiminum.
“Man in the Middle” er ein heimildarfilmur í fýra pørtum, ið er gjørdur av UEFA og er tøkur á heimasíðuni hjá evropeisku fótbóltssamgonguni, har vit fáa sleppa at síggja og hoyra, hvat hendir á vøllinum og handan leiktjaldið, tá tað kemur til at døma dystir á hægsta stigi.
Í fyrsta partinum síggja vit støður frá Champions League-kappingini 2018-19, tá VAR varð brúkt fyri fyrstu ferð, har vit fylgja dómarum sum Damir Skomina, Bjorn Kuipers og Clement Turpin og hvussu hesir mugu taka torførar avgerðir – hóast hjálp frá nýggju tøknini.
Her ein forfilmur um nýggja heimildarfilmin.
Til ber at síggja fyrsta part inni á heimasíðuni hjá UEFA her (Tú mást stovna eina konto, men tað er bæði lætt og skjótt at gera).