Nýggi kirkjugarðurin í Rituvík liðugur
Meinhard Bjartalíð prestur fer eftir guðstænastuna í Rituvíkar kirkju at víga nýggja partin av kirkjugarðinum
runavik.fo
29. oktober 2024 kl. 16:55
Allahalgannasunnudag – 3. november – verður nýggi kirkjugarðurin í Rituvík vígdur. Meinhard Bjartalíð prestur fer eftir guðstænastuna í Rituvíkar kirkju at víga nýggja partin av kirkjugarðinum.
12. juni 2023 skrivaðu borgarstjórin og Johannes Johannesen undir sáttmála um víðkan av kirkjugarðinum í bygdini. Johannes og Eyðstein Skipanes eiga og reka felagið Voyt. Voyt átti lægsta boðið til verkætlanina, sum fevndi um 160 dupultar gravir. Arbeiðið er liðugt, og kirkjugarðurin verður nú handaður Runavíkar kommunu.
