ChatGPT sum app til Mac teldur
Nú er tað lættari og skjótari hjá Mac brúkarum at tosa við ChatGPT. OpenAI hevur ment eina app til telduna, soleiðis at tú kanst opna eitt kjatt við fáum knappatrýstum.
Halgir Winther Nagata
26. juni 2024 kl. 23:00
Nýggja appin hjá ChatGPT er ein skjótari máti at brúka kjatt-bottin, enn at fara umvegis kagaran. Tú kanst opna eitt kjatt við at trýsta á knapparnar option+millumrúm, og biðja um hjálp til eitt hvørt sum tú hevur frammi á skerminum.
Ein av funkunum í nýggju appini er møguleikin at brúka kjatt-bottin til at hjálpa tær við tí uppgávu, sum tú hevur á skerminum. Um tú arbeiðir í einum tekstviðgerðarforriti, kanst tú fáa hjálp til at skriva, rætta stavseting, ella fáa hugskot til innihald. Ella um tú arbeiðir í eini talvu, kanst tú fáa hjálp við at rokna ella skipa tíni data.
Tað var á WWDC tiltakinum hjá Apple fyrr í mánaðinum, at tað varð kunngjørt at OpenAI og Apple fóru at skapa tættari samlagingar millum teirra tøkni á iPhone, iPad og Mac.
