Nú er greitt hvørjum KÍ og B36 kunnu møta
Lutakast hevur verið hjá UEFA
Ragnar Sjúrðarson
24. juli 2023 kl. 15:11
Fyri KÍ háttaði tað seg soleiðis, at vinna føroyameistararnir móti svenska BK Hacken, skulu teir møta vinnaranum av Molde – HJK Helsinki.
Vinnarin í dystinum millum KÍ-BK Hacken hevur heimavøll fyrst.
Tapur KÍ fyri BK Hacken, skulu klaksvíkingar spæla móti taparanum av Zalgiris-Galatasaray í Europa League undankappingini. Her hevur Zalgiris/Galatasaray heimavøll í fyrra dystinum.
Um B36 vinnur á Haverfordwest úr Wales, so skal B36 dystast móti vinnaranum av Rijeka – KF Dukagjini. B36 hevur heimavøll fyrst.
