Nú er eitt nýtt svimjifelag sett á stovn

Nú hevur eitt nýtt svimjifelag fingið limaskap í Svimjisamvandi Føroya.

Tað er Svimjifelagið Hellifossur í Kvívík, sum nú er nýggjur limur í Svimjisambandi Føroya, so nú hevur Svimjisambandið sjey virkin feløg.

Svimjifelagið Hellifossur hevði stovnandi aðalfund hin 5. oktober 2023, har nevnd varð vald og viðtøkur samtyktar, sum eru grundaðar á standardlógunum hjá ÍSF fyri nýggj ítróttarfeløg.

Hellifossur hevur heimstað í Kvívík, og er fyrsta nevndin:

• -  Sára Midjord, forkvinna

• -  Helgi Simonsen, næstformaður

• -  Joan M. Joensen, skrivari/kassameistari

  Hartil tiltakslimir:

• -  Benadikta Debes

• -  Anja Eydnudóttir

• -  Torstein Paulason Brattaberg

  Umsókn um limaskap varð send til Svimjisamband Føroya, sum síðani ráðførdi seg við ÍSF, áðrenn tað var endaliga góðkent sum limur í Svimjisambandinum í gjárkvøldið.

  – Vit í Svimjisambandinum fegnast sjálvsagt um hendan nýggja lim okkara, ið umboðar eitt øki í Føroyum sum Svimjisambandið søguliga hevur havt ilt við at røkka, sigur Rókur í Jákupsstovu, formaður í Svimjisambandinum.

  Føroysku svimjifeløgini eru nú Fuglafjarðar Svimjifelag, Havnar Svimjifelag, Suðuroyar Svimjifelag, Svimjifelagið FLOT, Svimjifelagið Hellifossur, Svimjifelagið Reysti og Ægir.