Nú búgva fleiri enn 12500 í Eysturoy

Fólkatalið í Eysturoy er størri, enn tað nakrantíð áður hevur verið. Nýggja uppgerðin hjá Hagstovuni vísir, at tað nú búgva 12553 fólk í Eysturoy. Síðani miðskeiðis í nítiárunum hevur talan verið um støðugan vøkstur.

Frá 1985 og tíggju tey næstu árini minkaði fólkatalið í Eysturoy. Kreppan bar við sær, at fólkatalið í 1995 var 9355, meðan tað tíggju ár frammanundan var 9977.

Lutfalsliga búgva tað nú 22,9 prosent av samlaða fólkatalinum, sum er 54530, í Eysturoy.

Í 1985 búðu 22,0 prosent í Eysturoy, og sostatt hevur lutfalsligi vøksturin hesi 38 árini verið 0,9 prosent.