Tíðliga seinnapartin var besta liðið hjá NSÍ gestur hjá teimum næst bestu í B36.
Úrslitið var, at NSÍ vann 2-0. Bæði málini vóru skorað, áðrenn eitt korter var farið.
Tað fyrra skoraði Steffan A. Løkin í 7. minutti, og tað seinna skoraði Búi Egilsson í 14. minutti.
Úrslitið boðar frá at NSÍ nú av álvara hevur fingið ferð á málskjótingina. Týsdagin skoraði NSÍ tríggjar ferðir í 3-2 sigrinum á útivølli ímóti Víkingi. Ta ferðina var Steffan A. Løkin trífaldur málskjútti, og í dag var tað Steffan A. Løkin, sum setti hol á. NSÍ hevur higartil í ár skorað seks mál. Steffan hevur skorað fýra, og Búi Egilsson, sum í dag skoraði seinna málið, hevur skorað tvey mál.
Hagtølini siga, at NSÍ hevði seks hornaspørk, og at B36 hevði tvey hornaspørk, og NSÍ hevði 10 royndir á og framvið B36 málinum, meðan B36 hevði tvær royndir á og framvið NSÍ málinum.
B36 vann í fyrsta umfari 3-1 á heimavølli ímóti EB/Streymi. Síðani hevur B36 tapt fýra dystir.
Undan kappingarbyrjan varð roknað við, at NSÍ fór at vera millum liðini í toppinum, og mnú fer tað av álvara at líkjast hjá NSÍ, sum hevur vunnið 10 stig burtur úr fimm teimum fyrstu umførunm.
