NSÍ kvinnurnar hava skrivað søgu. Fyri fyrstu ferð yvirhøvur hevur eitt lið vunnið bæði FM og steypakappingina í fremstu deildini.
Tað eru NSÍ kvinnurnar, sum fyri stuttum vunnu steypafinaluna 4-1 ímóti Víkingi. Í dag var grannauppgerð í Sarpugerði. Víkingur vann 3-2, men tað er NSÍ, sum er føroyameistari og harvið greipuvinnari.
Í kvøld klokkan verður skipað fyri móttøku fyri greipuvinnarunum. Móttøkan verður klokkan 19 í Hæddini. Móttøkan er almenn, og NSÍ sigur, at skráin verður henda:
Formaðurin í NSÍ kemur at siga nøkur orð
Umboð fyri kommununa kemur at siga nøkur orð
Terje Vestergaard kemur at syngja
Smyrjubreyð verður til matna, og eisini okkurt søtt til bæði vaksin og børn.
Endastøðan í FM bólkinum fyri kvinnur er henda:
NSÍ | 6 | 4 | 1 | 1 | 113 | 20 | 46 |
KÍ | 6 | 4 | 0 | 2 | 95 | 11 | 46 |
Víkingur | 6 | 2 | 2 | 2 | 81 | 17 | 43 |
HB | 6 | 0 | 1 | 5 | 61 | 29 | 27 |
