Nøkur fá ferðsluóhapp í hálkuni

Tað varð rættiliga hált í gjár, men løgreglan sigur, at tað hevur gingið rættiliga væl. Tað hava verið nøkur óhapp har bilar eru farnir á glið, men talan hevur verið um smá óhapp og fólkaskaði er eingin.

Tað, tey vita um, er ein bilur farin ordiliga út av, tað var ímillum Hósvík og Kollafjørð, men heldur ikki har var nakar fólkaskaði.

Tað er eisini hált í morgum, so løgreglan heitir á bilførarar um at koyra varliga.

Løgreglan sigur, at annars hevur tað verið stak friðarligt.