NATO-Ukraina ráðið skal á fund í morgin

Aðalskrivarin í NATO, Jens Stoltenberg, hevur kallað inn til fund í NATO-Ukraina ráðnum, ið varð stovnað í fjør, skrivar tíðindastovan AP.

Fundurin er kallaður saman av Ukraina og verður hildin í Kiev. Fundarboðini koma eftir ógvuslig russisk dronu- og rakettálop í Ukraina.

Ráðið varð stovnað í fjør fyri at styrkja sambandið millum ukrainsku stjórnina og NATO.

Ein talspersónur fyri verjusamgonguna sigur, at verjumálaráðharrin hjá Ukraina fer “at greiða teimum sameindu um støðuna á hermótinum og um tørvin á útgerð”.