Myndir: Føroyingar settu dám á mentanarnáttina í Keypmannahavn
Í gjár var mentanarnátt í Keypmannahavn, og sum vanligt vóru hurðarnar opnar Í Føroyahúsinum og hjá føroysku fólkatingsumboðunum
Jonhard Hammer
12. oktober 2024 kl. 14:20
Mentanarnátt var í Keypmannahavn í gjárkvøldið, og skráirnar í Føroyahúsinum og hjá føroysku fólkatingsumboðunum vóru sum altíð fjølbroyttar og væl vitjaðar.
Í Føroyahúsinum framførdu Húsakórið og Benjamin Rajani. Eisini dansaði fótatraðk føroyskan dans, og stuttfilmarnir Tokskinnarin, Perlan og VER HER vórðu sýndir.
Hjá føroysku flokkunum á Christiansborg Framførdu Húsakórið og Lea Kampmann og eins og í Føroyahúsinum varð farið upp á gólv við Fótatraðk.
Myndirnar eru av framførslunum á Christiansborg:
