Morten Messerschmidt fríkendur

Formaðurin í danska Fólkaflokkinum, Morten Messerschmidt, er í dag fríkendur fyri at hava svikað við ES pengum.

Ta niðurstøðuna kom rætturin á Frederiksberg til.

Messerschmidt var ákærdur fyri at hava brúkt næstan 100.000 krónur av ES pengum til eina stevnu hjá danska Fólkaflokkinum í Skagen afturi í 2015.

Messerschmidt noktaði seg sekan í ákærunum og vildi vera við, at samstundis sum floksstevnan varð hildin, varð eisini hildið ES seminar á stevnuni.

Sambært DR kom rætturin til ta niðurstøðu, at tað kundi ikki avvísast, at ES seminar varð hildið á stevnuni, og at Messerschmidt tí mátti fríkennast.