Minst 40 fólk eru deyð í vatnflóð, takkað verið ógvusligum regni í Afghanistan og Pakistan í teimum seinastu trimum døgunum.
Tað boða myndugleikar í teimum báðum londunum frá, sambært dpa og Reuters.
Óvæntaðar vatnflóðir hava rakt minst átta landslutir í Afghanistan. Her eru minst 31 fólk deyð, meðan fleiri onnur eru saknaði, upplýsir afghanska almannaverndin til dpa.
Á pakistansku síðuni av markinum eru minst níggju fólk deyð farnu tríggjar dagaranar. Meira enn 100 fólk hava latið lív í óveðrinum, síðan monsunregnið byrjaði í endanum av juni.
Í pakistanska landslutinum Khyber-Pakhtunkhwa hevur kraftmikil tora, regn og vindur elvt til fleiri jarðskjálvtar í vikuskiftinum, sum hava skatt bygningar og vegir. Tað skrivar avísin Dawn.
Í Maidan Wardak landslutinum, sum liggur mitt í Afghanistan, lógu fleiri íbúgvar í teirra song og svóvu, tá vatnflóðin kom.
Afturat teimum 26, ið eru deyð í hesum landslutinum, eru 40 fólk framvegis saknaði.
Hundraðtals heim eru oyðiløgd ella skolaði vekk av vatnflóðunum. Tað er ikki óvanligt at byggja heim av leir og mold í hesum økinum.
Støðan er serliga hættislig í Afghanistan. Eftir fleiri áratíggju við kríggjum og stríðum er landið í eini álvarsligari humaniterari støðu við mangli av mati og øðrum tørvum.
