Fleiri enn fimm milliónir fólk deyð við koronu
Nú er talið komið uppum fimm milliónir, ið eru deyð við koronu kring heimin
Sigurjón Einarsson
1. november 2021 kl. 15:23
Seinastu tíðina eru deyðstølini verið hækkandi aftur – hjá fólki, sum eru deyð við koronu. Talið av deyðum er nú farið uppum fimm milliónir fólk.
Tað skrivar Reuters.
Her er eitt yvirlit yvir lond, har flest eru deyð við koronu:
USA – 745.000
Brasil – yvir 600.000
India – 458.000
Meksiko – 288.000
Russland – 234.000
Peru – 200.000
Indonesia – 143.000
Stórabretland – 141.000
Italia – 132.000
Kolumbia –127.000
59 lond hava í løtuni hækkandi smittutøl, og talið av nýggjum smittutilburðum um døgnið liggur um 300.000.
Tá flest vóru skrásett við koronu – á vári í 2020 – vórðu tað skrásett yvir 800.000 tilburðir dagliga.
Samanlagt eru tað nú skrásett umleið 247 milliónir smittutilburðir til dags dato.
