Tað er lætt at gerast russiskur ríkisborgari, um tú livir í Eysturukraina. Meira enn 527.000 ukrainar í Eysturukraina hava fingið russiskan ríkisborgaraskap. Bert umleið 2.000 umsøkjarar hava fingið noktandi svar á teirra umsókn, skrivar TASS tíðindastovan vísandi til russisku innlendismálaráðið.

Av teimum 2.000 fólkunum, sum hava fingið noktandi svar, vóru 40 prosent av teimum, sum høvdu eina avmarkaða innferð til Russlands, ein triðingur fekk noktandi svar vegna sína brotsligu fortíð, meðan 25 prosent hava fingið frámerkið sum vandi fyri trygdina.

Russiskir myndugleikar hava kunngjørt, at tilboðið hjá eysturukrainum at fáa russiskan ríkisborgaraskap stendur við.

Hendan lætta mannagongdin hjá ukrainum í Eysturukraina at fáa russiskt pass varð innførd í 2019 av Vladimir Putin.