Í gjárkvøldið ringdi ein útlendskur ferðamaður til løgreglun tí hann var vilstur í fjøllunum.

Hann var farin ein túr úr Tjørnuvík til Saksunar eftir fjøllunum, men tá ið hann skuldi aftur til Tjørnuvíkar, viltust hann av leið og tí ringdi hann til løgregluna.

Løgreglan sendi boð eftir bjargingarliðnum hjá Sunda kommunu og tey fóru í fjøllini at leita.

Tá var ferðamaðurin endaður í Sjeyndum, sum er rættiliga langt av leið.

Men tey fingu so leitt hann aftur til Tjørnuvíkar. Tað var ein langur túrur, tí tey vóru ikki við hús aftur í Tjørnumvík fyrr enn mitt í nátt.

Ferðamaðurin var í góðum klæðum og annars væl útgjørdur til ein túr í fjøllunum, so hóast tað var nakað av mjørka og tað eisini var farið at regna, var ongantíð nakar vandi á ferð.