Margretha drotning, sum bleiv 85 í apríl, er sjúk. Læknarnir hava tí avgjørt í morgum, at innleggja hana á Ríkishospitalið til eygleiðingar.

Sambært upplýsingum frá donskum miðlum er drotningin hart rakt av krími, eftir at hon luttók í einum hátíðarhaldi í Mindelunden sunnudagin. Har hátíðarhildu tey 80 ára dagin fyri loysing Danmarkar, í oysandi regni.

Drotningin átti annars hósmorgunin at luttaka á 125 ára hátíðarhaldinum, hjá "Sankt Lukas stiftelsen" í Hellerup. Sankt Lukas er eitt Hospice.